.....ലൈബ്രേറിയൻ•••

ലൈബ്രേറിയൻ••• കാലദേശങ്ങളറിയാത്തഭൂമികയിൽ പാപ്പിറസ്ചുരുളുകൾ നിവർത്തി ആരോകുത്തിക്കുറിച്ചു - വിശ്വവിശാലതയെ ഒന്നിലേക്കൊതുക്കുന്ന പ്രണയഗീതം. പഴമയെന്നത് പുതുമയാകുന്നത് ഒരുപക്ഷേ ഇവിടെമാത്രമായിരിക്കാം മാനത്തിന്റെ മേലാവ്താണ്ടുന്ന- ശൂന്യതയിൽസജീവതതേടുന്ന ... തലമുറകളുടെ ചിന്തകൾക്ക് വിക്ഷേപണത്തറയായത്, കാലിളകിയാടുന്ന മേശപ്പുറങ്ങളാവാം ... പലകത്തട്ടുകൾക്കിടയിലെ ഗാഢനിശബ്ദതയിൽ, അമർത്തിവക്കപ്പെട്ട അക്ഷരങ്ങളുടെ നെടുവീർപ്പുകൾ ഊർജരേണുക്കളായ് നിന്നിലേക്കൊഴുകുന്നത് നീ അറിയുന്നുവോ ... കൗതുകങ്ങളുടെ കുഞ്ഞുശലഭങ്ങൾ വഴിതേടിയലയുമ്പോൾ നീ നിന്നെയൊരു ചൂണ്ടുപലകയാക്കുന്നു ; തരിശുണങ്ങിയ സമൂഹത്തിന്നു വനമേകാൻ നീ നിന്നെയൊരു വിത്തിലേക്കൊതുക്കുന്നു അറിവിന്റെയർഥംതിരക്കുന്നവർക്ക് നീ പുസ്തകത്തിന്റെ കാവലാളല്ല കാലത്തിന്റെകാവലാളാം ... വിശപ്രേമത്തിന്റെകാവലാളാം...